(បន្ទាយមានជ័យ)៖ ក្រសួងការពារជាតិ សូមជម្រាបជូននូវស្ថានការណ៍នៅតាមបន្ទាត់ព្រំដែនកម្ពុជា-ថៃ អំពី ករណីយោធាថៃនៅតែបន្តធ្វើសកម្មភាពបាញ់ប្រាហារចូលទីតាំងប្រជាជនស៊ីវិលកម្ពុជា និងហោះរំលោភ ចូលជ្រៅក្នុងដែនអធិបតេយ្យភាពកម្ពុជា នៅយោធភូមិភាគទី៥ ក្នុងភូមិសាស្រ្តសង្កាត់កំពង់ស្វាយ ក្រុងសិរីសោភ័ណ ខេត្តបន្ទាយមានជ័យ នាថ្ងៃទី២៧ ខែធ្នូ ឆ្នាំ២០២៥៖

– ម៉ោង ៧:៣១នាទី យោធាថៃបានប្រើប្រាស់យន្តហោះចម្បាំង F-16 ទម្លាក់គ្រាប់បែកចំនួន ៤គ្រាប់ ចូលទីតាំងប្រជាជនស៊ីវិលកម្ពុជា ក្នុងភូមិសាស្រ្តសង្កាត់កំពង់ស្វាយ ក្រុងសិរីសោភ័ណ ខេត្តបន្ទាយមានជ័យ។

កងកម្លាំងកម្ពុជាបាននឹងបន្តតាមដានយ៉ាងយកចិត្តទុកដាក់ និងឈរជើងយ៉ាងរឹងមាំ ស្វាហាប់ មោះមុត និងប្រុងប្រយ័ត្នខ្ពស់ជានិច្ច ក្នុងការបំពេញតួនាទីរបស់ខ្លួន ដើម្បីការពារបូរណភាពទឹកដីរបស់កម្ពុជា និងសេចក្តីថ្លៃថ្នូររបស់យើងដោយអង់អាចក្លាហាន ដោយមិនងាករេជាដាច់ខាតទោះក្នុងតម្លៃ ណាក៏ដោយ។

សូមបងប្អូនប្រជាពលរដ្ឋតាមដាននិងទទួលព័ត៌មានពីប្រភពផ្លូវការ ព្រមទាំងចូលរួមសហការណ៍ និងគោរពទៅតាមការណែនាំរបស់អាជ្ញាធរមូលដ្ឋានទាំងអស់គ្នា។ ព័ត៌មានលម្អិតនឹងរាយការណ៍ជូននៅពេលក្រោយ៕

(កំពង់ស្ពឺ)៖ លោកបណ្ឌិត អ៊ុក កោសា ជាទីប្រឹក្សាសម្ដេចតេជោ ហ៊ុន សែន ប្រធានព្រឹទ្ធសភាជាតិនៃព្រះរាជាណាចក្រកម្ពុជា សមាជិកគណៈកម្មាធិការកណ្តាលគណបក្សប្រជាជនកម្ពុជា អនុប្រធានក្រុមការងារចុះជួយមូលដ្ឋានខេត្តកំពង់ស្ពឺ និងជាប្រធានក្រុមការងារគណបក្សចុះមូលដ្ឋានស្រុកសាមគ្គីមុនីជ័យ ជាតំណាងលោក ហ៊ុន ម៉ានី សមាជិកគណៈអចិន្ត្រៃយ៍ គណៈកម្មាធិការកណ្ដាល ប្រធានក្រុមការងារគណបក្សចុះមូលដ្ឋានខេត្តកំពង់ស្ពឺ ស្ថិតនៅទីភូមិបន្ទាយខ្មែរ ស្រុកសាមគ្គីមុនីជ័យ ខេត្តកំពង់ស្ពឺ នាថ្ងៃទី២៦ ខែធ្នូ ឆ្នាំ២០២៥ បានជួបសំណេះសំណាលជាមួយគ្រួសារវីរកងទ័ពទាំង ១១៧គ្រួសារ ស្ថិតនៅទីភូមិបន្ទាយខ្មែរ ស្រុកសាមគ្គីមុនីជ័យ ខេត្តកំពង់ស្ពឺ។

ដោយមានការចូលរួមពីលោក លោកស្រី ក្រុមការងាររាជរដ្ឋាភិបាលចុះមូលដ្ឋានស្រុកសាមគ្គីមុនីជ័យ អាជ្ញាធរមូលដ្ឋានគ្រប់លំដាប់ថ្នាក់ ពូមីង បងប្អូន ក្មួយៗ គ្រួសារវីរកងទ័ពសមរភូមិមុខជាច្រើនរូប។

លោក ឈួរ សុបញ្ញា បានលើកឡើងថា ជាការពិតណាស់ ផលវិបាកនៃសង្គ្រាមបានបង្កមហន្តរាយ បំផ្លិចបំផ្លាញទ្រព្យសម្បត្តិ និងសោកនាដកម្ម ផ្តាច់ជីវិតមនុស្សមិនរើសមុខទាំងទាហាន និងជនស៊ីវិលស្លូតត្រង់ ប្រជាពលរដ្ឋត្រូវបង្ខំចិត្តភៀសខ្លួន ចាកចេញពីផ្ទះសម្បែង ទ្រព្យសម្បត្តិ ហើយត្រូវប្រឈមនឹងការខ្វះទីជម្រក ខ្វះអាហារហូបចុក ខ្វះទឹកស្អាត បាត់បង់មុខរបរ បាត់បង់ចំណូល ជួបការលំបាកក្នុងជីវភាព ក្មេងៗអាក់ខានការសិក្សា ព្រមទាំងប្រឈមនឹងការលំបាកជាច្រើនផ្សេងទៀត។ ទុក្ខលំបាកទាំងនេះ គឺកាន់តែធ្វើឱ្យយើងទាំងអស់គ្នាយល់យ៉ាងច្បាស់ពីគុណតម្លៃនៃសុខសន្តិភាព ដូច្នេះហើយសន្តិភាព គឺពិតជាមានតម្លៃណាស់ ដែលយើងទាំងអស់ត្រូវចូលរួមថែរក្សា និងការពារឱ្យខាងតែបានគ្មានអ្នកណាស្រឡាញ់សន្តិភាពជាងកម្ពុជានោះទេ ព្រោះកម្ពុជាធ្លាប់បានឆ្លងកាត់សង្គ្រាមជាច្រើន និងយល់ច្បាស់ពីផលវិបាកនៃសង្គ្រាម ហេតុដូច្នេះកម្ពុជាមានឆន្ទៈចង់បានបទឈប់បាញ់គ្នាជាបន្ទាន់ និងសន្តិភាពយូរអង្វែង។

លោកថាក្នុងស្ថានភាពតានតឹងចំពោះមុខ រាជរដ្ឋាភិបាលកម្ពុជា នៅតែរក្សាជំហរការពារនូវអធិបតេយ្យជាតិ និងបូរណភាពទឹកដី ឆ្លើយតបទៅនឹងការឈ្លានពាន ដោយមិនអនុញ្ញាតឱ្យមានការរំលោភបំពានក្នុងឋានៈជារដ្ឋឯករាជ្យស្មើមុខស្មើមាត់ក្នុងតំបន់ និងលើឆាកអន្តរជាតិ ដូច្នេះសូមប្រជាពលរដ្ឋទាំងអស់ជឿជាក់លើរាជរដ្ឋភិបាល និងមានឆន្ទៈរួមគ្នាជាធ្លុងមួយ។

លោក អ៊ុក កោសា បានពាំនាំនូវការផ្តាំផ្ញើសួរសុខទុក្ខ និងសេចក្ដីនឹករលឹកពីសំណាក់សម្តេចតេជោ ហ៊ុន សែន និងសម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រីនៃព្រះរាជាណាចក្រកម្ពុជា និងឧបនាយករដ្ឋមន្រ្តី ហ៊ុន ម៉ានី លោកតែងតែយកចិត្តទុកដាក់ និងព្រួយបារម្ភពីសុខទុក្ខរបស់ពូមីង បងប្អូនជាពិសេសក្នុងកាលៈទេសៈដ៏លំបាកនេះ។

លោកសូមឱ្យគ្រួសារវីរកងទ័ព ជនភៀសសឹក ប្រជាពលរដ្ឋទាំងអស់ដែលជាសមរភូមិក្រោយប្រមូលស្មារតីទាំងអស់គ្នា និងសូមប្រែក្លាយការឈឺចាប់នេះទៅជាភាពរឹងមាំ និងការរួបរួមគ្នាចំពោះមុខ ប្រជាពលរដ្ឋត្រូវរឹងមាំអាចរស់ដោយខ្លួនឯងបាន មន្រ្តីរាជការ អាជ្ញាធរត្រូវខិតខំប្រឹងប្រែងបំពេញការងារ សិស្សានុសិស្ស ប្រឹងប្រែងរៀនសូត្រ វិស័យឯកជនក៏ត្រូវប្រឹងប្រែងដូចគ្នា បើសិនជាយើងប្រឹងស្មើដៃគ្នា យើងនឹងខ្លាំងនៅពេលអនាគត។

អំណោយជាស្បៀងអាហារក្នុងមួយគ្រួសារៗទទួលបានរួមមាន៖ អង្ករ អំបុក, ទឹកត្រី, ទឹកសុីអុីវ, ត្រីខ, មុង ភួយ និងឧបត្ថម្ភថវិកាក្នុងមួយគ្រួសារទទួលបាន ៤០០,០០០រៀល ផងដែរ៕

អ្នក​ដែល​ពាក់ព័ន្ធ​នឹង​ការ​នាំ​ចេញ​ទៅ​កាន់​ទីផ្សារ​សហរដ្ឋអាមេរិក​ក៏​ដូច​ជា ក្រុម​មន្ត្រី​កម្ពុជា គឺ​សុទ្ធតែ​បង្ហាញ​នូវ​ទស្សន​សុទិដ្ឋិនិយម​ថា កម្ពុជា​អាច​នឹង​ទទួលលទ្ធផល​វិជ្ជមាន នៅ​ពេល​បញ្ចប់​ការ​ចរចា​ជាមួយនឹង​សហរដ្ឋអាមេរិក នៅ​លើ​កិច្ច​ព្រម​ព្រមព្រៀង​ពន្ធ​បដិការ​ដែល​គ្រោង​នឹង​ធ្វើ​ឡើង​នៅ​ពាក់​កណ្តាលខែ​នេះ ។

ដោយសារ​អា​មេ​រិ​ក​ជាទី​ផ្សារ​ធំ​ជាងគេ សម្រាប់​វិស័យ​កាត់ដេរ​កម្ពុជា​នោះ​លទ្ធផល​នៃ​ការ​ចរចា​នឹង​អាច​មាន​ឥទ្ធិពល​លើ​វាសនា​វិស័យ​កាត់ដេរ​កម្ពុជា ហើយ​ក៏​អាច​ធ្វើ​អោយ​កម្ពុជា​មាន​សេណា​រី​យ៉ូ​ផ្សេង​ៗ ដើម្បី​ឆ្លើយ​តប​នឹង​លទ្ធផល​នោះ ។ រដ្ឋាភិបាល​កំពុង​ដុតដៃដុតជើង​ជា​ខ្លាំង ដើម្បី​រក​វិធី​ក្នុង​ការ​ត្រៀម​ចរចា​ជាមួយ​អា​មេ​រិ​ក ដើម្បី​អោយ​ការ​ចរចា​នោះ​ទទួលលទ្ធផល​ជា​វិជ្ជមាន ។

តាម​សេចក្តី​ប្រកាស​អង្គភាព​អ្នកនាំពាក្យ​រាជរដ្ឋាភិបាល​កម្ពុជា​ដំណើ​ការ​ចរចា​នេះ​នឹង​ដំណើរការ​ដោយ​ផ្ទាល់ នៅ​រដ្ឋធានី​វ៉ា​ស៊ី​ន​តោន​របស់​សហរដ្ឋអាមេរិក នា​ថ្ងៃ​ទី​១៤-១៥ ខែឧសភា ឆ្នាំ​២០២៥ ខាង​មុខ ដោយ​ភាគី​កម្ពុជា​ដឹកនាំ​ដោយ លោក ស៊ុន ចាន់​ថុ​ល ឧបនាយករដ្ឋមន្ត្រី និង​ជា​អនុប្រធាន​ទី​១ នៃ​ក្រុមប្រឹក្សា​អភិវឌ្ឍន៍​កម្ពុជា ប៉ុន្តែ​ភាគី​សហរដ្ឋអាមេរិក​គេ​នៅ​មិន​ទាន់​ដឹង​ថា ជា​នរណា​ឡើយ ។

ខាង​ភាគី​សហរដ្ឋអាមេរិក អាច​ជា​លោក ហៅ​វ័ត លូត​និក ( Howard Lutnick) រដ្ឋមន្ត្រីក្រសួង​ពាណិជ្ជកម្ម​សហរដ្ឋអាមេរិក ឬ​អាច​លោក ស្កុ​ត ប៊ី​សេន (Scott Bessent ) រដ្ឋមន្ត្រីក្រសួង​រតនាគារ​សហរដ្ឋអាមេរិក ឬ​អាច​អ្នក​ផ្សេង​ទៀត​ជា​តំណាង ។

ក្រោយ​ការ​ជំនួប​តាម​អន​ឡាញ រវាង​ក្រុម​មន្ត្រី​កម្ពុជា​ជាមួយនឹង​លោកស្រី សា​រ៉ា​ហ្វ អេ​ល័​មេន (Sarah Ellerman) អនុប្រធាន​តំណាង​ពាណិជ្ជកម្ម​សហរដ្ឋអាមេរិក​ទទួល​បន្ទុក​តំបន់​អាស៊ី​អាគ្នេយ៍ និង​ប៉ា​ស៊ី​ហ្វិ​ក ក្រុម​មន្ត្រី​កម្ពុជា គឺ​ពិតជា​មាន​មោទនភាព​ចំពោះ​កិច្ច​សម្របសម្រួល​ទំនាក់ទំនង​ពាណិជ្ជកម្ម និង​វិនិយោគ​ទ្វេភាគី​កម្ពុជា​-​សហរដ្ឋអាមេរិក ប៉ុន្តែ​គេ​នៅ​មិន​ទាន់​ដឹង​ថា លទ្ធផល​វា​នឹង​ទៅ​ជា​យ៉ាងណា​នៅឡើយ ។

អ្នក​តាមដាន​សភាព​ព័ត៌មាន​ទាក់ទង​នឹង​ពន្ធ​បដិការ​ម្នាក់​បាន​ឲ្យ​ដឹង​ថា យើង​សង្ឃឹម គឺ​ត្រូវ​តែ​សង្ឃឹម ហើយ​បើ​គ្មាន​សង្ឃឹម​តើ​យើង​ខំប្រឹង​ចរចា​ធ្វើ​អ្វី ។ ប៉ុន្តែ​មក​ដល់​ពេល​នេះ គ្មាន​ប្រទេស​ណាមួយ​អាច​រួចខ្លួន​ពី​ការ​ដាក់​ពន្ធ​បដិការ​នេះ​នៅឡើយ​ទេ ។

លោក​បាន​បញ្ជាក់​ដោយ​មិន​បញ្ចេញ​អត្តសញ្ញាណ​ថា «​តាំងពី​រដ្ឋបាល​លោក ដូ​ណា​ល់ ត្រាំ អនុវត្ត​គោលនយោបាយ​ពន្ធ​នេះ​នៅ​ខែកុម្ភៈ​មក គ្មាន​ប្រទេស​ណាមួយ​អាច​ទទួល​ការ​អនុគ្រោះ​ពន្ធ​នេះ​ឡើយ ។ ប្រទេស កា​ណា​ដា សហភាព​អឺរ៉ុប ចិន ម៉ិ​ក​ស៊ិ​ក ហើយ​នៅ​អាស៊ាន ឃើញ​វៀតណាម​ក៏​បាន​បើក​ការ​ចរចា​ដែរ ប៉ុន្តែ​នៅ​មិន​ទាន់​មាន​ពន្លឺ​នៃ​លទ្ធផល​នៅឡើយ​ដែរ​»​។ លោក​បាន​បន្ត​ថា ជា​ទូទៅ​ការ​ចរចា​វា​ស៊ីពេល​នៅ​ក្នុង​ការ​ពិចារណា ។ ដូច្នេះ លទ្ធផល​វា​នឹង​ចេញ​នៅ​ក្រោយ​ពេល​ដែល​ការ​ពន្យារពេល​អនុវត្ត​ចូល​ជា​ធរមាន​នៅ​ក្នុង​រង្វង់​ខែកក្កដា ខាង​មុខ​នេះ ។

អគ្គនាយកដ្ឋាន​គយ និង​រដ្ឋាករ​កម្ពុជា បង្ហាញ​ថា ក្នុង​ឆ្នាំ​២០២៤ កម្ពុជា​-​អា​មេ​រិ​ក សម្រេច​បាន​ទំហំ​ពាណិជ្ជកម្ម​១០,១៨ ពាន់​លាន​ដុល្លារ កើនឡើង​១១,២​ភាគរយ ក្នុង​នោះ​កម្ពុជា​នាំ​ចេញ​ទៅ​អា​មេ​រិ​ក ក្នុង​តម្លៃ​៩,៩​ពាន់​លាន​ដុល្លារ​កើនឡើង​១១,៤​ភាគរយ ខណៈ​អា​មេ​រិ​ក​នាំ​ចូល​កម្ពុជា​វិញ ក្នុង​តម្លៃ ២៦៤,១៤ លាន​ដុល្លារ ។ ចំណែក​នៅ​ត្រីមាស​ទី​មួយ ដើមឆ្នាំ​២០២៥​នេះ កម្ពុជា​បន្ត​ដំណើរការ​នាំ​ចេញ​ទៅ​កាន់​សហរដ្ឋអាមេរិក​ដដែល​នៅ​ក្នុង​តម្លៃ​សរុប​ប្រមាណ​ជា​២,៤​ពាន់​លាន​ដុល្លារ​កើនឡើង​ប្រមាណ​ជា​២២,២​ភាគរយ ។

តាម​ស្ថិតិ​អា​មេ​រិ​ក នៅ​តែ​ជាទី​ផ្សារ​នាំ​ចេញ​ធំ​បំផុត​របស់​កម្ពុជា ដោយ​មាន​ចំណែក​រហូត​ដល់​ទៅ ជា ៣៥ ភាគរយ​ឯណោះ នៃ​ទំហំ​នៃ​ការ​នាំ​ចេញ​សរុបរ​ម្លៃ ៦,៨​ពាន់​លាន​ដុល្លារ ។

នៅ​ក្នុង​ករណី​ដែល​ការ​ចរចា​នោះ​មិន​សម្រេច​ទៅ​តាម​លទ្ធផល​នៃ​ការ​រំពឹង​ទុក វា​អាច​នឹង​ពិបាក​សម្រាប់​ឧស្សាហកម្ម​កាត់ដេរ​កម្ពុជា ប៉ុន្តែ​ទោះបីជា​យ៉ាងណា​ក៏​ដោយ នៅ​ពេល​នេះ ក្រៅពី​រដ្ឋាភិបាល​ផ្ទាល់ មាន​ព័ត៌មាន​ថា ខាង​រោងចក្រ​ក៏​បាន​ខំប្រឹង​ប្រែង​ដែរ​ដើម្បី​ការពារ​រោងចក្រ​របស់​គេ​កុំអោយ​បិទទ្វារ ។

ប្រភព​ដែល​ស្និទ្ធ​នឹង​ឧស្សាហកម្ម​កាត់ដេរ​មួយ​រូប​បាន​បង្ហើប​ថា នៅ​ក្នុង​បណ្តា​រោងចក្រ​ដែល​ការ​ដេរ​នាំ​ចេញ​ទៅ​កាន់​ទីផ្សារ​នៅ​សហរដ្ឋអាមេរិក មានការ​រុះរើ​គណ​គ្រប់គ្រង ដោយ​ឃើញ​គេ​ប្តូរ​អ្នក​ដែល​មានបទពិសោធន៍ ដែល​មាន​ទំនាក់ទំនង​ល្អ​ជាមួយនឹង​ទីផ្សារ​នៅ​គោលដៅ​ផ្សេង​ៗ​មក​ជំនួស ។

ប្រភព​ដដែល​នោះ​បាន​ឲ្យ​ដឹង​ថា នៅ​ពេល​នេះ​រោងចក្រ​ដែល​ទទួល​ទីផ្សារ​នៅ​អា​មេ​រិ​ក​ហាក់​កំពុង​តែ​មាន​និន្នាការ​នៅ​ក្នុង​ការ​សម្រុក​សង្វា​ក់​ផលិតកម្ម ដើម្បី​បញ្ចប់​កុងត្រា​ដែល​ពួក​គេ​មាន​ពី​អា​មេ​រិ​ក មុន​ពេល​ពន្ធ​នោះ​ដល់​ថ្ងៃ​កំណត់ ហើយ​ក៏​ដើម្បី​ទុក​ពេល​បង្វែរ​គោលដៅ​ទៅ​កាន់​អ៊ឺ​រ៉​ប និង​ទីផ្សារ​ផ្សេង​ៗ​ដូច​ជា នៅ​ជប៉ុន កូរ៉េ​ខាងត្បូង ជាដើម ។

ប្រភព​ដដែល​បាន​បន្ត​ថា ក្រៅពី​នោះ​ក៏​មាន​រោងចក្រ​មួយ​ចំនួន​បាន​កំពុង​តែ​ចរចា​សុំ​អោយ​អ្នកបញ្ជា​ទិញ រ៉ាប់រង​ថ្លៃ​ពន្ធ​បដិការ នៅ​ក្នុង​ការ​នាំ​ចេញ​ជំនួស​ពួក​គេ​ផង​ដែរ ។ ប្រភព​ដដែល​បាន​បង្ហាញ​នូវ​ក្តី​រំពឹង​ថា ប្រសិនបើ​ខាង​រដ្ឋាភិបាល​សម្របសម្រួល និង​អាច​បញ្ចុះ​ថ្លៃ​ភស្តុ​ភា​កម្ម បូក​ផ្សំ និង​ដាក់​ចេញ​នូវ​កម្មវិធី​អនុគ្រោះ​បន្ថែម​ទៀត​ឧស្សាហកម្ម​ដែល​ចិញ្ចឹម​កម្មករ​ប្រមាណ​ជា​១​លាន​នាក់ និង​អ្នក​ដែល​ទទួលផល​ដោយ​ប្រយោល​ជា​ច្រើន​ទៀត​អាច​ទប់ទល់​បាន ។ មក​ដល់​ពេល​នេះ កម្ពុជា​ត្រូវ​បាន​សហរដ្ឋអាមេរិក កំណត់​យកពន្ធ​ទំនិញ​ក្នុង​អត្រា ៤៩​ភាគរយ​ដែល​ជា​កម្រិត​ខ្ពស់​ជាងគេ ក្នុង​តំបន់​អាស៊ាន ប៉ុន្តែ​បច្ចុប្បន្ន​អនុវត្ត​ត្រឹម​១០​ភាគរយ រហូត​ដល់​រង្វង់​ខែកក្កដា ។

ដូច្នេះ យើង​រង​ចាំ​មើល​លទ្ធផល​ទាំងអស់​គ្នា ជាមួយនឹង​ក្តី​សង្ឃឹមថា ការ​ចរចា​អាច​ទទួលលទ្ធផល​ល្អ ហើយ​ឧ​ស្សហកម្ម​កាត់ដេរ​នៅ​កម្ពុជា​នៅ​តែ​ជា​ប្រភព​ដ៏​សំខាន់​សម្រាប់​កំណើនសេដ្ឋកិច្ច និង​ការងារ​របស់​ប្រជាជន​៕

ប្រេងកាត ៖ តម្លៃ​ប្រេងកាត​បាន​ធ្លាក់​ចុះ​ថែម​ទៀត​កាលពី​ថ្ងៃ​ទី​៥​ឧសភា ដល់​ជាង​៣% ដោយសារ​ការ​ប្រកាស​របស់​អង្គការ​បណ្ដា​ប្រទេស​នាំ​ប្រេង​ចេញ​OPEC បង្កើន​ផលិតកម្ម​សម្រាប់​ខែមិថុនា ក្នុង​ពេល​ដែល​តម្លៃ​ប្រេង​បាន​ធ្លាក់​ទាប​បំផុត​រួច​មក​ហើយ​។

នា​ព្រឹក​ថ្ងៃ​ទី​៥​ឧសភា​នៅ​ទីផ្សារ​ប្រេង​អា​សី​ុ​តម្លៃ​ប្រេង​ឆៅ​WTI​អា​មេ​រិ​ក ក្នុង​១​ធុង​ធ្លាក់​ថ្លៃ​៣,៥%​មក​នៅ​ត្រឹម​៥៦,០៨​ដុល្លារ​។ ចំណែក​តម្លៃ​ប្រេង​ឆៅ​BRENT នៃ​សមុទ្រ​ខាងជើង​ចុះថ្លៃ​៣,៥%​គឺ​៥៩,១៧​ដុល្លារ​ក្នុង​១​ធុង​។

កាលពី​ថ្ងៃ​ទី​៣​ឧសភា ប្រទេស​សមាជិក​OPEC៨​ប្រកាស​ថា ពួក​គេ​នឹង​បង្កើន​ផលិតកម្ម​ប្រេង​ដល់​៤១១.០០០​ធុង​ក្នុង​១​ថ្ងៃ​នា​ខែមិថុនា​គឺ​ច្រើន​ជាង​ខែឧសភា ខណៈ​ផែនការ​ដំបូង​គ្រោង​បូម​ប្រេង​ត្រឹម​១៣៧.០០០​ធុង​ថែម​ទៀត​តែ​ប៉ុ​ណ្នោះ​។ ការ​ធ្លាក់​ថៃ​ប្រេង​ខ្លាំង​បែប​នេះ​មក​ពី​ឥទ្ធិពល​នៃ​សង្គ្រាម​ពាណិជ្ជកម្ម​របស់​លោក​ដូ​ណា​ល់​ត្រាំ ដែល​អាច​ឲ្យ​សេដ្ឋកិច្ច​ពិភពលោក​ដាំ​ក្បាល​ចុះ​។

OPEC កំពុ​ុ​ង​តែ​ផ្លាស់​ប្ដូរ​យុទ្ធសាស្ត្រ ហើយ​ស្វែងរក​ចំណែក​ទីផ្សារ​របស់​ខ្លួន​ឡើង​វិញ ក្រោយ​ការ​កាត់​បន្ថយ​ផលិតកម្ម​អស់​ពេល​ច្រើន​ឆ្នាំ​។ នេះ​ជា​ការ​លើក​ឡើង​របស់​ពួក​អ្នកវិភាគ​៕

ខេត្ត​ព្រះ​សីហ​នុ ៖ មន្ត្រី​ជំនាញ ក​.​ប​.​ប​. សាខា​ខេត្ត​ព្រះ​សីហ​នុ បាន​រក​ឃើញ​បង្គា ចាក់​ចាហួយ នៅ​ស្តង់​លក់​គ្រឿង​សមុទ្រ មួយ​កន្លែង ស្ថិត​នៅ​ផ្សា​រលើ ខេត្ត​ព្រះ​សីហ​នុ ។

តាម​អគ្គនាយកដ្ឋាន​ការពារ​អ្នក​ប្រើប្រាស់ កិច្ចការ​ប្រកួតប្រជែង និង​បង្ក្រាប​ការ​ក្លែងបន្លំ «​ក​.​ប​.​ប​.» នៃ​ក្រសួងពាណិជ្ជកម្ម បាន​តែ​ដឹង​ថា នា​ព្រឹក​ថ្ងៃ​ទី​៣ ខែឧសភា ឆ្នាំ​២០២៥​នេះ មន្ត្រី​សាខា ក​.​ប​.​ប​. ខេត្ត​ព្រះ​សីហ​នុ បាន​ចុះ​ទៅ​ដល់ទី​តាំង​ស្តង់​លក់​គ្រឿង​សមុទ្រ មួយ​កន្លែង ស្ថិត​នៅ​ផ្សា​រលើ ខេត្ត​ព្រះ​សីហ​នុ ដើម្បី​ស្រាវជ្រាវ​ករណី​បង្គា​ចាក់​ចាហួយ តាម​បណ្តឹង​របស់​ប្រជាពលរដ្ឋ​រស់នៅ​ក្នុង​ខេត្ត ដែល​បាន​ទិញ​យក​ទៅ​បរិភោគ ។

បន្ទាប់​ពី​បាន​ធ្វើការ​សាកសួរ​ម្ចាស់​ទីតាំង​លក់​បង្គា​នោះ រួច​មក គាត់​បាន​ទទួល​សារភាព​ថា ខ្លួន​ពិតជា​បាន​ចាក់​ចាហួយ​ចូល​ក្នុង​បង្គា​ពិតប្រាកដ​មែន ។

មន្ត្រី​ជំនាញ បាន​ដក​ហួត​បង្គា​ចំនួន ៥​គីឡូក្រាម ដែល​នៅ​សល់​ក្នុង​ស្តង់​លក់ រួច​ធ្វើការ​អប់រំ​ណែនាំ ធ្វើការ​កិច្ចសន្យា​ហាមឃាត់​ឱ្យ​ម្ចាស់​ទីតាំង​បញ្ឈប់​ការ​លក់​បែប​នេះ​បន្ត​ទៀត បើ​ពុំនោះ​ទេ មន្ត្រី ក​.​ប​.​ប​. នឹង​មាន​វិធានការ​តាម​ផ្លូវច្បាប់​ជា​ធរមាន​។ ពិតជា​មាន​ភ្ញាក់ផ្អើល​ណាស់ នៅ​ខេត្ត​មាត់សមុទ្រ ដែល​សម្បូរ​ទៅ​ដោយ​គ្រឿង​សមុទ្រ​ស្រស់​ៗ បែរជា​មាន​បង្គា ចាក់​ចាហួយ ដែល​ត្រូវ​ហាមឃាត់ បង្ក​អោយ​ប៉ះពាល់​ដល់​សុខភាព​អ្នក​បរ​បរិភោគ ទៅវិញ ៕

ខេត្តកំពង់ស្ពឺ ៖ យុវជន​ម្នាក់​ដែល​ជា​ជាងដែក ត្រូវ​បាន​ខ្សែ​ភ្លើ​.​ង​ឆ​.​ក់ បណ្តាល​ឱ្យ​បាត់បង់​ជីវិត ខណៈ​ដែល​កំពុង​តែ​បំពេញការងារ​បង្ក​ឱ្យ​មានការ​ភ្ញាក់ផ្អើល ដល់​កម្មករ​ធ្វើការ​ជាមួយ​គ្នា និង​សមត្ថកិច្ច​ជំនាញ​ចុះ​ពិនិត្យ​ធ្វើ​កោសល្យ​វិ​ច្ច័​យ ។

ករណី​ជាងដែក​ឆ​.​ក់​ខ្សែភ្លើង​ស្លា​.​ប់​នេះ​បាន​កើតឡើង កាលពី​វេលា​ម៉ោង​៩​និង​៤៥​នាទី​ព្រឹក ថ្ងៃ​ទី​០៣ ខែឧសភា ឆ្នាំ​២០២៥ នៅ​ចំណុច​ការដ្ឋាន​សំណង់ ស្ថិត​នៅ​ក្នុងភូមិ​សេរី​ភ័ត្ត ឃុំ​ពោធិ​អង្គ្រង ស្រុក​ប​សេដ្ឋ ខេត្តកំពង់ស្ពឺ ។

មន្ត្រី​សមត្ថកិច្ច​បាន​និយាយ​ឱ្យ​ដឹង​ថា ស​.​ព​យុវជន​រង​គ្រោះ​មានឈ្មោះ មាស ដា​រ៉ា អាយុ​២១​ឆ្នាំ មុខរបរ​ជាងដែក រស់នៅ​ក្នុងភូមិ​ឬ​ស្សី​ស្រុក ឃុំ​ស្នំ​ក្រពើ ស្រុក​គងពិសី ខេត្តកំពង់ស្ពឺ ។

មន្ត្រី​សមត្ថកិច្ច​បាន​និយាយ​ឱ្យ​ដឹង​ថា ក្រោយ​ពី​បាន​ទទួល​បាន​ព័ត៌មាន សេចក្តីរាយការណ៍​រួច​មក​កម្លាំង​សមត្ថកិច្ច​ជំនាញ​បាន​ចុះ​ទៅ​ដល់​កន្លែង​កើតហេតុ និង​ផ្ទះ​របស់​ស​.​ព​យុវជន​រង​គ្រោះ ។ ដោយ​ចូលរួម​ពិនិត្យ​ស​.​ព​យុវជន​រង​គ្រោះ​មាន​វត្តមាន​លោក​អធិការ​ង​ទទួល​ផែន​ព្រហ្មទណ្ឌ
លោកនាយ​ផ្នែក​ពិនិត្យ​វិភាគ​កន្លែង​កើតហេតុ លោកនាយ​រង​ផ្នែក​ជំនាញ​ផង​ដែរ ។

មន្ត្រី​សមត្ថកិច្ច​បាន​បន្ត​ទៀត​ថា បើ​តាម​ការ​បំភ្លឺ​របស់​ឈ្មោះ អឿ​ន គី​ម​សេង ភេទ​ប្រុស អាយ​២០​ឆ្នាំ រស់នៅ​ភូមិ​មាន​ជ័យ ឃុំ​ក្រាំង​លាវ ស្រុក​បាទី ខេត្តតាកែវ ដែល​ជា​អ្នកធ្វើការ​ជាមួយ​ស​.​ព​យុវជន​រង​គ្រោះ និង ជា​អ្នក​ឃើញ​ហេតុ​ការ​បាន​បំភ្លឺ​រៀបរាប់​ថា ពេល​កំពុង​បំពេញការងារ​ក៏​ស្រាប់តែ​យុវជន​រង​គ្រោះ​ត្រូវ​បាន​ខ្សែ​ភ្លើ​.​ង​ឆ​.​ក់​តែ​ម្តង ពេល​នោះ​រូបគេ​ក៏​បាន​ស្រែកហៅ​ក្រុម​កម្មករ​ដែល​ធ្វើការ​ជាមួយ​គ្នា​ឱ្យ​ជួយ និង​បាន​រាយការណ៍​ទៅ​សមត្ថកិច្ច ។

សមត្ថកិច្ច​នគរបាល​ជំនាញ​ពិនិត្យ​ធ្វើ​កោសល្យ​វិ​ច្ច័​យ​មិន​មាន​អ្វី​គួរ​ឱ្យ​កត់សម្គាល់​នោះ​ទេ ស​.​ព​យុវជន​រង​គ្រោះ គឺ​ពិតជា​បាន​ឆ​.​ក់​ចរន្ត​អគ្គិ​នី (​ឆ​.​ក់​ខ្សែ​ភ្លើ​.​ង​) បណ្តាល​ឱ្យ​ស្លា​.​ប់​ពិតប្រាកដ​មែន ។

មន្ត្រី​សមត្ថកិច្ច​នគរបាល ជំនាញ​បាន​បញ្ជាក់​ថា ក្រោយ​ពេលធ្វើការ​ពិនិត្យ​កោសល្យ​វិ​ច្ច័​យ​លើស​.​ព​យុវជន​រង​គ្រោះ​ខាងលើ​រួច​បាន​ធ្វើ​កំណត់ហេតុ និង​ប្រគល់​ស​.​ព​ជូន​សាច់ញាតិ​ក្រុម​គ្រួសារ យក​ទៅ​ធ្វើបុណ្យ​តាម​ប្រពៃណី ៕

ប្រជាជន​កម្ពុជា កាន់តែ​ច្រើន​កំពុង​ងាក​មក​ប្រើ​ឡាន​ថ្មី ហើយ​អាច​ធ្វើ​អោយ​ទីផ្សារ​ឡាន​ជជុះ​នឹង​បន្ត​ធ្លាក់​ចុះ​បណ្តើរ ដោយ​ធ្វើបាប​ដល់​អ្នក​រកស៊ី​លក់​ឡាន​ជជុះ ។

និន្នាការ​នេះ ត្រូវ​បាន​គាំទ្រ​បន្ថែម​ទៀត ដោយសារ​តម្លៃ​ឡាន​ថ្មី​នឹង​អាច​ធ្លាក់​ចុះ​ជា​បណ្តើរ​បន្ថែម​ទៀត ខណ​:​ដែល​កម្ពុជា​មាន​រោងចក្រ​ដំឡើងរថយន្ត​ថ្មី​កាន់តែ​ច្រើន ។ ពិសេស វត្តមាន​នៃ​រថយន្ត​ចិន នៅ​លើ​បណ្តាញ​ផ្លូវ​នានា នៅ​ក្នុង​ប្រទេស​ទោះបីជា​មិន​អាច​ប្រៀបធៀប​នឹង​រថយន្ត​នានា ជា​ពិសេស គឺ​រថយន្ត​ជប៉ុន​បាន​មែន ប៉ុន្តែ​ទោះបីជា​យ៉ាងណា​ក៏​ដោយ​បើ​ធៀប​នឹង​ពី​មុន វត្តមាន​របស់​វា​ពិតជា​មានការ​កើនឡើង ហើយ​បង្ហាញ​វត្តមាន​សឹងតែ​គ្រប់កន្លែង ។ នេះ គឺជា​ស្ថានភាព​មួយ ដែល​អាច​នឹង​ធ្វើ​ឲ្យ​ទីផ្សារ​រថយន្ត​នៅ​កម្ពុជា​រង្គោះរង្គើ​ផង​ដែរ ។

ស្រប​ពេល​ដែល​អ្នក​កំពុង​តែ​បើកបរ​រថយន្ត​ចិន​នានា​បាន​ទទួលស្គាល់​ថា បើ​និយាយ​អំពី​បច្ចេកវិទ្យា ផា​សុខភាព និង​ប្រណីតភាព គឺ​លែង​និយាយ​តែ​ម្តង ។ រីឯ​តម្លៃ​វិញទៀត​សោត ប្រសិនបើ​និយាយ​អំពី​ប្រណីតភាព និង​កម្រិត​បច្ចេកវិទ្យា​ដែល​បំពាក់​នៅ​លើ​រថយន្ត​នោះ តម្លៃ​រថយន្ត​ចិន គឺ​ធូរ​ថ្លៃធៀប​នឹង​រថយន្ត​យីហោរ​មក​ពី​ប្រទេស​ផ្សេង​ៗ​ដូច​ជា ជប៉ុន អា​មេ​រិ​ក អង់គ្លេស អា​ល្លឺ​ម៉​ង់ ដែល​ធ្លាប់​ជា​ប្រទេស​ចាស់ទុំ​ខាង​វិស័យ​ឧស្សាហកម្ម​រថយន្ត ។

ប៉ុន្តែ​កង្វល់​អំពី​គុណភាព​ឡាន​ចិន នៅ​តែ​បន្ត​មាន​ក្នុង​ចិត្ត​ប្រជាជន​កម្ពុជា ។ ប្រជាជន​កម្ពុជា​បារម្ភ​ថា ឡាន​ចិន​ល្អមើល​តែ​លើ​រូបរាង ហើយ​គុណភាព​មិន​អាច​នឹង​ប្រៀបធៀប​បាន​ជាមួយ​រថយន្ត​ជប៉ុន ឬ​រថយន្ត​ផ្សេង​ទៀត ។

ពួក​គេ​បាន​លើក​ឡើង​ថា អ្វី​ដែល​អ្នក​ប្រើប្រាស់​នៅ​កម្ពុជា​កំពុង​តែ​រង់ចាំ​មើល​នោះ គឺ​ភាព​ធន់​របស់​រថយន្ត​ចិន ។ នៅ​ក្នុង​ករណី​ដែល​រថយន្ត​ចិន​ទាំងនោះ​ត្រូវ​បាន​គេ​ប្រើប្រាស់​៥​ទៅ​១០​ឆ្នាំ ហើយ​ភាព​ធន់​របស់​វា នៅ​តែ​មាន​ស្ថានភាព​ប្រហាក់ប្រហែល​នឹង​រថយន្ត​យីហោ​មក​ពី​ប្រទេស​ដទៃ​នោះ ស្ថានភាព​នៃ​ទីផ្សា​រថយន្ត​នៅ​កម្ពុជា គឺ​ពិតជា​មានការ​ប្រែប្រួល​ខ្លាំង​មិន​ខាន ។

មក​ដល់​ពេល​នេះ​នៅ​លើ​ផ្លូវ​សាធារណៈ​យើង​ឃើញ​ថា រថយន្ត​យីហោ​ជប៉ុន សូ​ម្បី​តែ​រថយន្ត​ខ្លះ​ផលិត​តាំងពី​ឆ្នាំ​១៩៩៥ នៅ​តែ​បន្ត​មាន​វត្តមាន ហើយ​ត្រូវ​បាន​គេ​ប្រើប្រាស់​នៅឡើយ​នៅ​កម្ពុជា​ទោះបីជា​មិន​ច្រើន ។ រថយន្ត​ទាំងនោះ ទោះបីជា​វា​មាន​អាយុ​៣០​ឆ្នាំ​ក៏​ដោយ ក៏​វា​នៅ​តែ​ធន់ ហើយ​អាច​បន្ត​ប្រើប្រាស់​បាន ។ និយាយ​អោយ​ខ្លី ប្រជាជន​កម្ពុជា​ជា​ច្រើន នៅ​តែ​បន្ត​ជឿជាក់​លើ​គុណភាព​នៃ​ឡាន​ផលិត​ដោយ​ក្រុមហ៊ុន​ជប៉ុន ។

សូម​រង់ចាំ​មើល​ទាំងអស់​គ្នា តើ​អនាគត​នឹង​ទៅ​ជា​យ៉ាងណា ខណៈ​ដែល​កាលពី​ថ្ងៃ​ទី​២៨ ខែមេសា ឆ្នាំ​២០២៥​ថ្មី​ៗ​នេះ ក្រុមហ៊ុន​រថយន្ត​ចិន​មួយ​ប្រភេទ​ដែល​កំពុង​តែ​មានការ​គាំទ្រ​នៅ​កម្ពុជា គឺ​បាន​បើក​ដំណើរការ​សាងសង់​រោងចក្រ​ដំឡើង​នៅ​កម្ពុជា​បន្ថែម​លើ​រថយន្ត​ចិន​ពី​មុន​ៗ ។ រោងចក្រ​នោះ គឺជា​រោងចក្រ​ដំឡើងរថយន្ត​អគ្គិសនី​របស់​ក្រុមហ៊ុន BYD របស់​ចិន​តែ​ម្តង ។

ក្រុមប្រឹក្សា​អភិវឌ្ឍន៍​កម្ពុជា បាន​និយាយ​នៅ​ក្នុង​សេចក្តី​ប្រកាស​ព័ត៌មាន​មួយ​ថា ក្រុមហ៊ុន​ផលិត​រថយន្ត​អគ្គិសនី​របស់​ចិន BYD បាន​ចាប់ផ្តើម​សាងសង់​រោងចក្រ​ដំឡើងរថយន្ត​នៅ​កម្ពុជា​ដោយ​មា​នទី​តាំងនៅ​ក្នុង​តំបន់​សេដ្ឋកិច្ច​ពិសេស ក្រុងព្រះសីហនុ ស្ថិត​ក្នុង​ខេត្ត​មាត់សមុទ្រ​ភាគ​និរតី​នៃ​ខេត្ត​ព្រះ​សីហ​នុ ដោយ​មាន​ទុន​សរុប​ប្រមាណ​ជា​៣២​លាន​ដុល្លារ នៅ​លើ​ផ្ទែ​ដី​សរុប​១២​ហិ​កតា ដែល​អាច​មាន​សមត្ថភាព​ដំឡើងរថយន្ត​បាន​ដល់​ទៅ​១​ម៉ឺន​គ្រឿង នៅ​ក្នុង​មួយ​ឆ្នាំ ។ តាម​ព័ត៌មាន ដែល​គេ​បង្ហើប​រោងចក្រ​នេះ អាច​នឹង​ប្រតិបត្តិការ​ដំឡើង​នៅ​កម្ពុជា នៅ​ក្នុង​រង្វង់​ខែវិច្ឆិកា ខាង​មុខតែ​ម្តង ។

នេះ គឺជា​រោងចក្រ​ថ្មី​មួយ​នៅ​កម្ពុជា ខណៈ​ដែល​កាលពី​ពេល​ថ្មី​ៗ​នេះ នៅ​ពេល​ដែល​សម្តេច​ធិ​បតី ហ៊ុន ម៉ា​ណែ​ត នាយក​រដ្ឋមន្ត្រី​កម្ពុជា ចូលរួម​សម្ភោ​ធ​រោងចក្រ​រថយន្ត​អា​មេ​រិ​ក គឺ​រថយន្ត Ford នៅ​ស្រុក​ក្រគ ខេត្តពោធិសាត់ បាន​លើក​ឡើង​ថា កម្ពុជា​មាន​រោងចក្រ​ដំឡើងរថយន្ត​បាន​ចំនួន​៩​ហើយ ដោយ​ចម្រុះ​ពោល គឺ​មាន​រថយន្ត​អា​មេ​រិ​ក ជប៉ុន ចិន ។

ជាមួយនឹង​កំណើន​រោងចក្រ​ដំឡើងរថយន្ត​កាន់តែ​ច្រើន​បែប​នេះ​វា​នឹង​អាច​ធ្វើ​អោយ​តម្លៃ​រថយន្ត​ថ្មី​បន្ត​ធ្លាក់​ចុះ ហើយ​មនុស្ស​កាន់តែ​ច្រើន​មាន​លទ្ធភាព​ប្រើ​ឡាន​ថ្មី ។ ដូច្នេះ ឡាន​ជជុះ​ឬ​ឡាន ដែល​ប្រើប្រាស់​ហើយ ដែល​នាំ​ចូល​ពី​ក្រៅប្រទេស​នឹង​បន្ត​បាត់បង់​ទីផ្សារ​នៅ​កម្ពុជា​ជា​បណ្តើរ ៕

រដូវវស្សា​ដែល​កំពុង​តែ​បោះ​ជំហាន​មក​ដល់​នៅ​ពេល​នេះ​បាតុភូត​ផ្គរ រន្ទះ និង​ខ្យល់​កន្ត្រាក់ ​គឺ​អាច​កាច​ជាង​ឆ្នាំ​មុន​ដូច្នេះ​សូមជ្រាប ។ ការ​ជូនដំណឹង​របស់​ក្រសួង​ធនធានទឹក និង​ឧតុនិយម ដើម្បី ចែករំលែក​ និង​ការ​រំលឹក​ឲ្យ​ប្រុង​ប្រយ័ត្ន ពីព្រោះ​អ្វី​ដែល​នឹង​កើត គឺ វា​អាច​គ្រោះថ្នាក់​ដល់​អាយុជីវិត​យើង​ទាំងអស់​គ្នា ។

តាម​សេចក្ដីជូនដំណឹង​របស់​ក្រសួង​បានឱ្យ​ដឹង​ថា រដូវវស្សា​ឆ្នាំ​២០២៥​នេះ បរិមាណ​ទឹកភ្លៀង​មាន​ខ្ពស់​ជាង​មធ្យមភាគ​ច្រើន​ឆ្នាំ ជាមួយនឹង​របាយ​ទឹកភ្លៀង​ធ្លាក់​រាយ​ប៉ាយ​បាន​ល្អ​ជាង​ឆ្នាំ​២០២៤ ប៉ុន្ដែ​អ្វី​ដែល​ជា​ការ​គួរ​ឲ្យ​កត់សំគាល់​នោះ​គឺ​បាតុភូត​ផ្គរ រន្ទះ និង​ខ្យល់​កន្ដ្រាក់​អាច​កើតឡើង​ច្រើន​ផង​ដែរ ។

នោះ​ហើយ​គឺជា​រឿង​ដែល​ចាំបាច់​យើង​ត្រូវ​តែ​ដឹង ហើយ​លើកកម្ពស់​ការ​បង្ការ​និង​ត្រៀមខ្លួន​។
សេចក្ដីជូនដំណឹង​បាន​បញ្ជាក់​លម្អិត​ពី​ការ​ព្យាករ​អាកាសធាតុ​លើក​ទី​១ សម្រាប់​រដូវវស្សា​ចាប់ពី​ខែឧសភា​ដល់​ខែតុលា ឆ្នាំ​២០២៥​ថា យោង​លើ​ការ​ព្យាករណ៍​ស្ដី​ពី​ស្ថានភាព​វិវត្ដន៍​នៃ​សីតុណ្ហភាព​នៅ​លើ​ផ្ទៃ​មហាសមុទ្រ​ប៉ា​ស៊ី​ហ្វិ​ក​ខាងលិច មហាសមុទ្រ​ឥណ្ឌា និង​តំបន់​អេក្វាទ័រ បង្ហាញ​ថា ចាប់ពី​ខែឧសភា​បាតុភូត​ឡា​នី​ញ៉ា​នឹង​ថយ​ចុះ​មក​ត្រឹម​១០​ភាគរយ ហើយ​បាតុភូត​អែន​សូ​ឡើង​ដល់​៨០​ភាគរយ​។

ប្រភព​ដដែល​បាន​សង្កត់ធ្ងន់​ថា រដូវវស្សា​ឆ្នាំ​នេះ​អាច​នឹង​ចាប់ផ្ដើម​នៅ​ក្នុង​ស​ប្ដា​ហ៍​ទី​១​នៃ​ខែឧសភា ឆ្នាំ​២០២៥ ដែល​លឿន​ជាង​ឆ្នាំ​២០២៤ រីឯ​បរិមាណ​ទឹកភ្លៀង​នៅ​ខែឧសភា​ដល់​ខែមិថុនា មាន​កម្រិត​ខ្ពស់​ជាង​មធ្យមភាគ​ច្រើន​ឆ្នាំ​។ ហើយ​ចាប់ពី​ខែកក្កដា​ដល់​ខែសីហា បរិមាណ​ទឹកភ្លៀង​ក៏ មាន​កម្រិត​ខ្ពស់​ជាង​មធ្យមភាគ​ច្រើន​ឆ្នាំ​។ ដោយឡែក​នៅ​ចុងរដូវ​វស្សា​ពី​ខែកញ្ញា​ដល់​តុលា បរិមាណ​ទឹកភ្លៀង​មាន​កម្រិត​ខ្ពស់​ជាង​ឬ​ប្រហាក់ប្រហែល​នឹង​មធ្យមភាគ​ច្រើន​ឆ្នាំ​។

ចំពោះ​ស្ថានភាព​អាកាសធាតុ​បែប​នេះ ក្រសួង​ធនធានទឹក និង​ឧតុនិយម បាន​អំពាវនាវ​ឱ្យ​ស្ថាប័ន​ពាក់ព័ន្ធ អាជ្ញាធរ​ដែនដី និង​ប្រជាពលរដ្ឋ សូម​យកចិត្ដទុកដាក់ និង​ប្រុង​ប្រយ័ត្ន​ខ្ពស់​ចំពោះ​អា​កាសធាតុ​ដែល​មាន​បាតុភូត​ផ្គរ រន្ទះ និង​ខ្យល់​កន្ដ្រាក់​ដែល​អាច​កើត​មាន​ច្រើន​។

បាតុភូត​រន្ទះ​នេះ​សាហាវ​។ នៅ​ពេល វា​កើត​មាន​ឡើង​ម្តង​ៗ​មិន​ថា​ជីវិត​មនុស្ស និង​សត្វ​នោះ​ទេ នឹង​អាច​ស្លាប់​និង​របួស ។ ជាក់ស្តែង​កាលពី​ឆ្នាំ​២០២៤​កន្លង​ទៅ គណកម្មាធិការ​ជាតិ​គ្រប់គ្រង​គ្រោះ​មហន្តរាយ​បាន​រាយការណ៍​ថា បាតុភូត​រន្ទះ​នេះ​វា​បាន​សម្លាប់​ជីវិត​មនុស្ស​សរុប​ដល់​ទៅ ៦៨ នាក់ និង​របួស​៥០ នាក់ រីឯ​ខ្យល់​កន្ត្រាក់​នោះ​សម្លាប់​មនុស្ស​៧ នាក់ ។ ក្រៅពី​ត្រូវ​ប្រុង​ប្រយ័ត្ន​នឹង​បាតុភូត​ផ្គរ​ន្ទះ ខ្យល់​កន្ត្រាក់​ហើយ​នោះ យើង​ក៏​គួរ​ប្រយ័ត្ន​ដែរ​អំពី​បញ្ហា​ទឹកជំនន់​។

ក្រសួង​មិន​បាន​និយាយ​ចំ​ៗ​អំពី​បញ្ហា​ទឹកជំនន់​ទេ ប៉ុន្តែ​បញ្ជាក់​ថា របាយ​ទឹកភ្លៀង​អាច មាន​ច្រើន ដូច្នេះ​ករណី​គ្រោះ​ដែល​ងាយ​នឹង​ប្រឈម​មុខ​នឹង​ស្ថានភាព​អាកាសធាតុ​បែប​នេះ​បំផុត​គឺ ទឹកជំនន់ ។ កាលពី​ឆ្នាំទៅ កម្ពុជា​ពិតជា​សំណាង​មែនទែន​។ ទោះបីជា​គ្រោះ​ទឹកជំនន់​វា​បាន​កើត​មាន​ឡើង​ជុំ​ទិស គឺ​ទាំង​វៀតណាម ទាំង​ឡាវ និង ថៃ ប៉ុន្តែ​កម្ពុជា​បាន​រួចខ្លួន ។

កម្ពុជា​រង​គ្រោះ​ដែរ ប៉ុន្តែ​គ្រាន់តែ​ជា​ជំនន់​ទឹកភ្លៀង​ធម្មតា ឫ​តូចតាច​មិន​បង្ក​គ្រោះ​មហន្តរាយ​ធំដុំ​ដូច​ជា​ប្រទេស​ជិតខាង​និង​ប្រទេស​នៅ​ក្នុង​តំបន់​ឡើយ​។ ប៉ុន្តែ​ធម្មជាតិ​ពិបាក​ព្យាករណ៍ ដូច្នេះ ​ការ​ប្រុងប្រៀប​រៀបចំ​ផែនការ​ និង​សកម្មភាព​សម្រាប់​ឆ្លើយ​តប​គួរតែ​រួចរាល់ ដើម្បី​បង្ការ​និង​កាត់​បន្ថយ​ផល​ប៉ះពាល់​ពី​ធ្ងន់ធ្ងរ​មក​មធ្យម ពី​មធ្យម​មក​ស្រាល ពី​ស្រាល​មក​អត់​មាន​។

ស​ង្ឃឹ​ថា ​កម្ពុជា​នឹង​មិន​ប្រឈម​បញ្ហា​អ្វី​ធំដុំ​នៅ​ក្នុង​រដូវវស្សា​នេះ​ឡើយ ហើយគ្រោះ​ធម្មជាតិ​ទាំង​អស់​នឹង​មិន​មក​បៀតបៀន​ប្រជាជន​កម្ពុជា​យើង​ឡើយ​៕

ខេត្តបន្ទាយមានជ័យ ៖ អគ្គិភ័យ​បាន​លេប​ត្របាក់​តូប​លក់​ខោអាវ​ទាហាន​អស់​១​តូប ដែល​ធ្វ​ឱ្យ​តូប​នៅ​ជុំវិញ​ភ័យ​ស្លន់ស្លោ នាំ​គ្នា​ជញ្ជូន​ខោអាវ​ចេញ​ក្រៅ នៅ​ថ្ងៃ​ទី​០១ ខែឧសភា ឆ្នាំ​២០២៥ នៅ​ផ្សារ​រុង​ក្លឿ ស្ថិត​ក្នុងភូមិ​ប៉ា​រ៉ៃ ឃុំ​ប៉ា​រ៉ៃ ស្រុក​អារញ្ញ ខេត្ត​ស្រះ​កែវ ។

នៅ​ពេល​ពេល​មាន​ហេតុការណ៍​នេះ តូប​អាជីវករ​ខ្មែរ​នៅ​ផ្សារ​រុង​ក្លឿ​ប្រទេស​ថៃ ឃើញ​វត្តមាន​ឯកឧត្តម ប៉ាន់​ខែ​ម ប៊ុ​ន​ថន នាយករង​ខុ​ទ្ទ​ការ​ល័យ​នាយក​រដ្ឋមន្ត្រី និង​ជា​ប្រធាន​ក្រុមការងារ​ចុះ​ជួយ​មូលដ្ឋាន​ក្រុង​ប៉ោយ​ប៉ែ​ត និង​លោក គាត ហ៊ុ​ល អភិបាលក្រុង​ប៉ោយ​ប៉ែ​ត និង​មន្ត្រី​ក្រោម​ឱវាទ​ចូលរួម​សហការ​ជាមួយ​កម្លាំង​ថៃ ជួយ​អន្តរាគមន៍​ពន្លត់​អគ្គិភ័យ​នេះ ។

អាជីវករ​បាន​ប្រាប់​ថា ភ្លើង​បាន​ឆេះ​តូប​លក់​ខោអាវ​អាជីវករ​ខ្មែរ​នៅ​ផ្សារ​រុង​ក្លឿ​ប្រទេស​ថៃ ចំណុច​ផ្សារ​(​អ​.​ប​.​ច អគារ ខ​.​ខ្វា​យ​៤)​នេះ គេ​ឃើញ​រថយន្ត​ពន្លត់​អគ្គិភ័យ​ប្រមាណ​ជិត​១០​គ្រឿង និង​កម្លាំង​ចុះ​ជួយ​អន្តរាគមន៍​ជា​ច្រើន​នាក់ ខណៈ​ពេល​បាញ់​ទឹក​ពន្លត់​បណ្តើរ អាជីវករ​ដែល​លក់ដូរ​នៅ​តូប​ក្បែរ​គ្នា បាន​ជញ្ជូន​ខោអាវ​ចេញពី​តូប​ការពារ​ខ្លាច​ឆេះ​រាលដាល​ដល់ ។

អាជីវករ​វ​បញ្ជាក់​ថា តូប​អាជីវករ​ខ្មែរ​ដែល​ឆេះ​អស់​១​ខ្នង​នេះ លក់​សម្លៀក​ក​បំពាក់​ខោអាវ​យោធា​ថ្មី ជា​ឯកសណ្ឋាន​កងទ័ព​ខ្មែរ បាន​រង​ការ​ខូចខាត​អស់​ស្ទើរ​ទាំងស្រុង ។ អគ្គិភ័យ​ឆេះ​តូប​នេះ ត្រូវ​បាន​គេ​រក​ឃើញ​ថា បង្ក​ដោយ​ការ​ឆ្លង​ចរន្តអគ្គិសនី​ឆេះ​ផ្នែក​ខាងលើ​ឡៅតឿ ហើយ​បាន​រាលដាល​មក​ក្រោម តែ​ត្រូវ​ជួយ​អន្តរាគមន៍​ពន្លត់​បាន​ទាន់​ពេល មិន​រាលដាល​បន្ត តែ​ទំហំ​នៃ​ការ​ខូចខាត​មិន​ទាន់​បានដឹង​នៅឡើយ​ទេ ។

អាជីវករ​ខ្មែរ​បាន​បញ្ជាក់​ថា ចំណុច​ដែល​អគ្គិភ័យ​ឆេះ​តូប​អាជីវករ​ខ្មែរ​នេះ បាន​ជួល​តូប​លក់ដូរ​១​តូប​១​ខែ​តម្លៃ​ជាង​១​ម៉ឺន​បាត ដែល​បច្ចុប្បន្ន​នេះ មាន​តែ​អ្នកលក់​មិនសូវ​មាន​អ្នកទិញ​ទេ ។ កន្លង​មក​ផ្សារ​រុង​ក្លឿ តែង​ត្រូវ​បាន​អគ្គិភ័យ​ឆេះ​ជា​រឿយ​ៗ ភាគច្រើន​ឆេះ​ពេល​យប់ នៅ​ពេល​ម្ចាស់​មិន​នៅ ដោយ​ចូល​មក​កាន់​ក្រុង​ប៉ោយ​ប៉ែ​ត​ជា​ទម្លាប់ ។

ដោយសារ​តែ​អគ្គិភ័យ​តែង​កើត​មាន​ជា​រឿយ​ៗ​នៅ​ផ្សារ​រុង​ក្លឿ​នេះ បាន​ធ្វើ​ឱ្យ​អាជីវករ​ខ្មែរ​មួយ​ចំនួន​ធ្លាក់ខ្លួន​ក្រ ព្រោះតែ​ត្រូវ​ប្រឈម​នឹង​ការ​រក​ប្រាក់​បង់​ធនាគារ​ផង ប៉ុន្តែ​ទោះបីជា​បែប​ណា អាជីវ​ការ​ខ្មែរ​ទាំងនេះ មិន​បាន​គិត​ថា វិល​មក​លក់​នៅ​លើ​ទឹកដី​ខ្មែរ​វិញ​នោះ​ទេ ៕

ទី​ក្រុង​បាងកក​៖ ថ្មីៗ​នេះ សមត្ថ​កិច្ច​ថៃ​ចាប់​ខ្លួន​ថៅ​កែ​ជន​ជាតិ​ចិន​ និង​អ្នក​ជាប់​ពាក់​ព័ន្ធ​​ដទៃ​​​ទៀត​សរុប​៤​នាក់​ដែល​​​ទទួល​ខុស​ត្រូវ​នៅ​ក្នុង​សំណុំ​រឿង​បាក់​រលំ​អគារ​កំពុង​សាង​សង់​នៅ​ពេល​មាន​ហេតុ​ការណ៍​រញ្ជួយ​ដី​នៅ​មីយ៉ាន់​ម៉ា និង​ថៃ​កាល​ពី​ថ្ងៃ​ទី​២៨ ខែ​មីនា​កន្លង​ទៅ​នេះ​។ ឆ្លង​កាត់​ការ​ធ្វើ​អធិការ​កិច្ច​ពី​នាយក​ដ្ឋាន​ស៊ើប​អង្កេត​ អាជ្ញា​​ធរ​ចាត់​ទុក​ថា​សំណុំ​រឿង​បាក់​អគារ​សវន​កម្ម​ថ្មី​របស់​ថៃ​ដែល​មាន​កម្ពស់​៣០​ជាន់​កំពុង​សាង​សង់​នោះ​មាន​លក្ខណៈ​ពិសេស​ដែល​ត្រូវ​ការ​ស៊ើប​អង្កេត​ដ៏​ទូលំ​ទូលាយ​។​

អាជ្ញាធរ​បាន​បង្កើត​ក្រុម​ការ​ងារ​ពិសេស​មួយ​ដើម្បី​ស៊ើប​អង្កេតថា​តើ​​នរណា​ខ្លះ​​មាន​ចំណែក​ទទួល​ខុស​ត្រូវ​នៅ​ក្នុង​រឿង​នេះ​ និង​ប្រមូល​ភស្តុ​តាង​មួយ​ចំនួន​នៅ​លើ​ទីតាំង​ជា​ច្រើន​កន្លែង​។ បន្ទាប់​ពី​ប្រមូល​បាន​ភស្តុ​តាង​គ្រប់​គ្រាន់​ហើយ​ នាយក​ដ្ឋាន​ស៊ើប​អង្កេត​ខាង​លើ​ក៏​ស្នើ​សុំ​ទៅ​តុលាការ​ដើម្បី​ចេញ​ដីកា​ចាប់​ខ្លួន​មនុស្ស​​ទាំង​៤​នាក់​នោះ​​។ កាល​ពី​ថ្ងៃ​ទី​១៩ ខែ​មេសា សមត្ថ​កិច្ច​ខាង​ស៊ើប​អង្កេត​បាន​តាម​ដាន​លោក​សាង (Zhang) ទៅ​ដល់​សណ្ឋាគារ​មួយ​កន្លែង​នៅ​បាងកក​ និង​ចាប់​ខ្លួន​គាត់​។

មុន​ដំបូង​ គាត់​មាន​អារម្មណ៍​ភ្ញាក់​ផ្អើល​យ៉ាង​ខ្លាំង​ និង​ស្នើ​សុំ​រក​អ្នក​បក​ប្រែ​ម្នាក់​ដែល​បំពេញ​តួ​នាទី​ជា​អ្នក​ប្រឹក្សា​ផ្នែក​ផ្លូវ​ច្បាប់​ផង​ដែរ​។ ​ក្រោយ​មក​ លោក​សាង​ត្រូវ​បាន​នាំ​ខ្លួន​ចូល​ទី​ស្នាក់​ការ​ធំ​របស់​នាយក​ដ្ឋាន​ស៊ើប​អង្កេត​ដើម្បី​សួរ​ចម្លើយ​។ មនុស្ស​បី​នាក់​ទៀត​ជា​ជន​ជាតិ​ថៃ​ដែល​ស្ថិត​នៅ​ក្នុង​ដីកា​ត្រូវ​ចាប់​ខ្លួន​ផង​ដែរ​​។ នៅ​ថ្ងៃ​ដដែល​នោះ​ម៉ោង​ប្រហែល​៧​ក្បាល​ព្រលប់ រដ្ឋ​មន្ត្រី​យុត្តិ​ធម៌​ថៃ​ និង​អគ្គ​នាយក​នៃ​នាយក​ដ្ឋាន​ស៊ើប​អង្កេត​បើក​សន្និ​សីទ​សារ​ព័ត៌​មាន​និយាយ​ពី​ការ​ចាប់​ខ្លួន​លោក​សាង​។​

អាជ្ញា​ធរ​អះ​អាង​ថា​រហូត​មក​ដល់​ពេល​នេះ ករណី​បាក់​រលំ​អគារ​សវនកម្ម​ថ្មី​ដែល​កំពុង​សាង​សង់​នោះ​បាន​សម្លាប់​​មនុស្ស​៤៧​នាក់។ លទ្ធ​ផល​ស៊ើប​អង្កេត​បឋម​បង្ហាញ​ថា​ជន​ជាតិ​ថៃ​ទាំង​បីនាក់​នោះ​​ជា​អ្នក​ឈរ​ឈ្មោះ​ឱ្យ​គេ​ជំនួស​ឱ្យ​អ្នក​ដេញ​ថ្លៃ​ជា​ជន​ជាតិ​បរទេស​។ ដូច្នេះ ទង្វើ​នេះ​ខុស​នឹង​ច្បាប់​របស់ប្រទេស​​ថៃ​។ តាម​រយៈ​ការ​ស៊ើប​អង្កេត​ទៅ​លើ​ចរន្ត​សាច់​ប្រាក់​ អាជ្ញា​ធរ​រក​ឃើញ​ថា​មាន​ការ​វេរ​ប្រាក់​លើស​ពី​២​ពាន់​លាន​បាត​ជា​ប្រាក់​កម្ចី​ពី​ថៅ​កែ​ជន​ជាតិ​ចិន​។ ​

សាច់​ប្រាក់​ទាំង​នេះ​ជួយ​សម្រួល​ឱ្យ​ក្រុម​ហ៊ុន​ចិន​អាច​ទទួល​បាន​សិទ្ធិ​ម៉ៅ​ការ​សាង​សង់​។​ ដូច្នេះ ធ្វើ​ឱ្យ​មាន​មតិ​សង្ស័យ​ថា​អាច​នឹង​មាន​អំពើ​ឃុប​ឃិត​គ្នា​ខុស​ច្បាប់​នៅ​ក្នុង​ការ​ដេញ​ថ្លៃ​ម៉ៅ​ការ​សាង​សង់​។​​ ​ឥឡូវ​នេះ អាជ្ញា​ធរ​កំពុង​ផ្ដោត​សំខាន់​ទៅ​លើ​ចំណុច​សំខាន់​ៗដើម្បី​ចង់​ដឹង​ថា​​តើ​មាន​ការ​ឃុប​ឃិត​គ្នា​ខុស​ច្បាប់​នៅ​ក្នុង​ការ​ដេញ​ថ្លៃ​ម៉ៅ​ការ​សាង​សង់​ដែរ​ឬ​ទេ​ និងចង់​ដឹង​ថា​តើ​​គ្រឿង​សម្ភារៈ​សម្រាប់​សាង​សង់​ដូច​ជា​ដែក និង​ស៊ីម៉ង់​ត្រឹម​ត្រូវ​តាម​ស្តង់​ដារ​ដែរ​ឬ​ទេ​ដើម្បី​ធានា​គុណ​ភាព​សំណង់​។

ហេតុ​នេះ សមត្ថ​កិច្ច​ខាង​ស៊ើប​អង្កេត​កំពុង​ពិនិត្យ​មើល​ឡើង​វិញ​ទៅ​លើ​ប្លង់​សាង​សង់​អគារ​,​ ការ​គ្រប់​គ្រង​គម្រោង​សាង​សង់ និង​ការ​ពិនិត្យ​ផ្ទៀង​ផ្ទាត់​គម្រោង​សាង​សង់​។ អាច​នឹង​មាន​ការ​ក្លែង​បន្លំ​ហត្ថ​លេខា​​របស់​វិស្វករ​ និង​អ្នក​គ្រប់​គ្រង​គម្រោង​សាង​សង់​។​ ​សមត្ថ​កិច្ច​​មួយ​ក្រុម​ទៀត​កំពុង​ស៊ើប​អង្កេត​សំណុំ​រឿងព្រហ្ម​ទណ្ឌ​ពាក់​ព័ន្ធ​នឹង​ការ​ធ្វេស​ប្រហែស​បណ្ដាល​ឱ្យ​ស្លាប់​មនុស្ស​ និង​បាត់​ខ្លួន​ជា​ច្រើន​នាក់​ទៀត​។ រដ្ឋ​មន្ត្រី​យុត្តិ​ធម៌​ថៃ​បញ្ជាក់​ថា​នាយក​រដ្ឋ​មន្ត្រី​ និង​​រដ្ឋាភិបាល​​កំពុង​ចាត់​ការ​សំណុំ​រឿង​នេះ​ដោយ​​យក​ចិត្ត​ទុក​ដាក់​ដើម្បី​ធានា​ថា​ការ​ស៊ើប​អង្កេត​ និង​ការ​ចាត់​​ការ​ទៅ​តាម​ផ្លូវ​ច្បាប់ធ្វើ​ឡើង​​ដោយ​តម្លា​ភាព និ​ង​យុត្តិ​ធម៌​៕​